அறுத்து பலியிடும் திருநாள்!

நினைத்துப் பார்க்கையிலே ...........
நனைந்துப் போகும்
விழிகள்;
காலம் கடந்துப் போனாலும்
தியாகம்!

இறைக் கொடுத்த
வஹிக்கு;
பலிக் கொடுக்கச் சென்று;
வரலாற்றில் பதிக்கப்பட்ட
தியாகம்!

பெற்றெடுத்தப் பிள்ளையை
விட்டுக் கொடுத்த மாண்பு;
துணிந்தப் போதும்
தணிக்கைச் செய்த
அல்லாஹ்வின் அன்பு!

வெற்றிப்பெற்றச் சோதனைக்கு
இன்னும் ஒரு பெருநாள்;
தியாகத்தை நினைத்துப் பார்க்க
அறுத்து பலியிடும் திருநாள்!

முகம் ஒளிர ; அகம் மலர
வாழ்த்துக்கள் பரிமாற்றம்;
புத்தாடைகளும் இனிப்புகளும்
காட்டட்டும் புதுத் தோற்றம்!

கசப்புகளைக் கசக்கிவிட்டு;
வெறுப்புகளை உமிழ்ந்துவிட்டு;
முத்தமிட்டு அணைப்போம்
சகோதரனை!
எட்டுத் திக்கும் தெரியட்டும்
நம் தோரணை!

"அல்லாஹ் மீது நம்பிக்கை கொண்டு நற்கருமங்கள் செய்தவர்களுக்கு "பிர்தவ்ஸ்" என்னும் சுவாக்கம் தங்குமிடமாக உள்ளது. அதில் (அவர்கள்) என்றென்றும் நிலைத்திருப்பாகள். அங்கிருந்து (வேறிடம்) திரும்பிச் செல்ல அவர்கள் விரும்பமாட்டார்கள். (அல்குர்ஆன்)

இன்ஷா அல்லாஹ் இந்த திருநாளை மார்கத்தில் சொல்வதற்க்கு இணங்க கொண்டாடி மகிழுங்கள் .

meeran........